ياشاسين آذربايجان - Long live Azerbaijan

.

Barmaqların yalnızlaşmış Əllərinin içi qumsala dönmüş Xəyallarını küsdürmə, gözəlim Burax uzayların bağrında dolaşsın.

Barmaqların yalnızlaşmış

Əllərinin içi qumsala dönmüş

Xəyallarını küsdürmə, gözəlim

Burax uzayların bağrında dolaşsın.

Göz yaşlarımla,

Əllərinin içində, bəyaz, yaşıl, qırmızı, sarı güllər əkəcəm

Qırmızı, ruhun və bədənin birləşdiyi rəng

Qanıma qarışıb damarlarımda axar varlığın

Göndərdiyin rəsmlərini itirmişəm

Dənizə qovuşduğun bir rəsim vardı ya

Dalğaların pıçıltısına qarışan gözəlliyini seyr etmişdim

Sarı gül əllərini incitsə mənim əllərimdə ək

Xəyallarının sarsılmasını, saralmasını istəmirəm

Uzaqlar səni ayıramaz oldu içimdən

İçimdə bir sürü “mən” var

Sən ən sevdalısı ilə qarışıb başqalarını ram etdin

…………………….

Pəncərə açıq qalmış, yorğan üstümdən düşmüş

Bədənim tir-tir soyuqdan əsərkən

Savalanın zirvəsindəki bəyaz qar içində röya görürdüm

Yuxuda bir səs duydum, bəlkə Tanrının səsi idi qulağıma pıçıldadı:

“Yorğanı üstünə çəkən bu qadın kimdir?”

İçimdən bir səs qopdu Tanrıya cavab olaraq:

“Anam, anamdırmı?”

Göylərin görünməz qatların bir səs endi savalanın zirvəsində titrəyən varlığıma:

“Yox, bilməz oldun, anan deyil, aaanaaan deeeyiiil

Oooduuuurr, oooo”

Adını içimdə pıçıldadı sonrasızlığın, öncəsizliyin giz dolu səsi:

“Sən yalnız deyilsən, bilmiş ol!”

……………………………………….

Bir dəfə bir əjdəha qadın cildinə girib ruhumu çalmışdı

Sevginin dərinliyindən qorxu çıxmış

Sarmışdı içimi və dışımı.

Könlümün şeiriyətini bir canavar qadın çalmışdı.

Ey uzaqlıq duyğusu!

Heç bir zaman məni tərk etmədin

“Orada”kı qadın röyalarımı yönləndirər oldu.

…………………….

Küçədə izdihamın içində gedərkən səsini duyuram.

Məni arxadan adımla çağırırsan

Dönüb baxıram

Sən yoxsan

……………………………

Gecələr gec yatdığımı bilirsən

Dərin bir dalğınlıq içində küçədən ayaq səsi eşidirəm

Sanki sənin ritminlə yol gedir bu qadın

Pəncərəyə qaçıb baxıram

Küçədə kimsə yoxdur

Bu ayaq səsləri içimdən gəlir

İçimdəsən

Yol gedirsən könlümün həsrət qoxulu küçələrində

…………….

Azadlıq istəyirəm

A. zad- lıq
A. zad-lıq
A- zad-lıq

Azadlığın nəfəsini doldur köksümə

Gizlin xəyallara dalarsan gecələr gec yatdığında, yuxun azdığında

Dodaqlarını göndərərsən uzaqlara, uzaylara

Azadlıq nəfəsini, nəğməsini qulağıma pıçıldar röyalarımda dodaqların.

Məni yalnız buraxmaq istəmirsən

Məni yalnızlığın əsarətindən qurtarmaq istəyirsən.

Azadlıq istəyirəm

Köksünü aç, qəlbinin uzaylarını göstər yorğun gözlərimə

Məni darlıqdan, darısqallıqdan qurtar ey təpədən dırnağadək yaşıl

Qorxunu bitir

İnandır məni sevginin var olduğuna.

Güntay Gencalp
29/04/2009

Görüş Yox

Görüş yox.

RSS çixişi, bu yazi üçün.

Bağişlayin, görüş alinmir